Dean Naw Change Course at all

Mi wake up dis morning wid pain ina mi heart
Hurricane Dean not changing its path
It on its course
Threatening to take on Jamaica and lick down all wi light post

Mi turn on di radio and TV
Jesus dem people in a di UK just a focus pon dem own business
No detail news from yard
Pure tings bout Europe and India an all

So mi heart start hurt me
Mi too far from mi yard
Mi family sleeping
And mi hopping mad

Den mi turn to the internet
God bless the inventa
And thank God that America near
So dem will pay likkle attention to wi affairs

Mi watch all the news and weather forecast
Mi heart beating fast fast
Lord save mi poor island
And mek Dean stay far

The news nuh look or sound so good
Mi tuning into power 106
Thank God fi dem
Mi get live coverage

Mi listening keenly
Mi kneeling down on my knees
Mi begging God
Fi hear our humble pleas

So mi family and friends
Nuh tink Dean easy at all
Cause from what mi hearing
It gaining strength and It naw change course at all!

(c) DEIDRE S. POWELL

*

*

*

POWER 106 FM : http://www.go-jamaica.com/power/index.html